مكتوبه علي اسمي الفصل 47
كده وهتستفاد ايه!!
رد عامر بتفكير هو ده اللي لازم اعرفه ولازم نقلب اللعبة اللي عملوها عشان نكشفهم
عامر باصرار هو ده اللي لازم نفهم وهحتاج مساعدتك فيه
ميرفت انا مستعدة لأي حاجة يا عامر بس طمني على شريف انا قلقانه عليه اوي
عامر متقلقيش انا على تواصل بالدكتور وبيطمني عليه دايما انا هاخدك لمكان امان تقعدي فيه لحد ما أشوف هنعمل معاهم ايه
رواية مكتوبة على إسمي بقلمي ملك إبراهيم
في المستشفى عند شريف
دخلت هاجر المستشفى وهي شايله بوكيه الورد ودخلت غرفة شريف والغرفة كانت فاضيه وفيها شريف بس
حطت الورد وقعدت جنب شريف واتكلمت معاه بحزن عامل ايه النهارده انا جبتلك الورد زي كل يوم انت بقالك كتير اوي في الغيبوبه دي بس تعرف انا هفضل استناك مهما طالت غيبتك
هاجر ابتسمت بسعادة وجريت تنادي على الدكتور والممرضه وهي بتردد شريف حرك ايديه شريف حس بيا
الدكتور دخل ومعاه الممرضة ولقى فعلا شريف بيعود للوعي وبدأ يفوق ويحس بوجود إللي حواليه
اول لما فتح عينيه شاف هاجر واقفة قدامه بتبصله وتبتسم والدكتور اتكلم معاه بنبرة مرحة حمدلله على السلامة يا باشمهندس
آيات كانت في مكتب عامر في الشركة وقاعدة زهقانة لان عامر اتأخر عليها واول لما هاجر اتصلت بيها وقالتلها ان شريف فاق آيات فرحت واول حاجة عملتها انها اتصلت علي تليفون ميرفت عشان تبلغها
ميسرة كانت في فيلا عامر ومتقنه دور ميرفت وقاعدة على الكرسي المتحرك بملل وبتفكر في اللي هي عملته مع اختها وابنها بس اللي كان مطمنها هو وعد عزيز ليها ان ميرفت هتكون في امان في بيتهم
تليفون ميرفت رن في أيديها برقم آيات وميسرة زفرت بملل وقالت ودي عايزة ايه دلوقتي!!
ردت علي آيات وسمعت صوتها وهي بتقولها طنط ميرفت عندي خبر حلو ليكي شريف فاق اخيرا
ميسرة پصدمة اييييه!!!
آيات بحماس هاجر كانت عنده وطمنتني انه فاق وانا قولت اكلم حضرتك وافرحك وهكلم عامر دلوقتي اعرفه عشان نروحله كلنا انا عارفه ان أكيد حضرتك من الفرحة عايزة تروحيله دلوقتي بس احنا مش هنتأخر عليكي وهكلم عامر حالا اقوله مع السلامة
رواية مكتوبة على إسمي بقلمي ملك إبراهيم
عند عامر وهو لسه في عربيته مع خالته
آيات اتصلت عليه وعامر قال وهو بيبتسم دي آيات انا سايبها في الشركة لوحدها وأكيد زهقت عشان اتأخرت عليها
اتكلمت ميرفت بحزن آيات عرفت ان اللي
