الفصل الاول للكاتبة اميره جمال قصة جديده
صوت والده وهو بيكلمنى بشئ من الحنيه
تعالى يابنتى ورايا عايزك فى كلمتين
حاضر ثوانى بس ارتب الاوضه دى
انتى مش خدامه يابنتى انتى مرات المهندس سائر سليم الاسيوطى أكبر رجل اعمال فى الشرق الأوسط هتساعديه فى لبسه وحاجته جوه اوضتكم غير كده اى حاجه فيه ناس شغاله بتقوم بدورها
لوهلة اټخضيت من الإسم الواضح أنهم عيلة كبيره فعلا اللى عايزه افهمه ازاى وصلولى بس
حاضر خرجت معاه ونزلنا تحت لاوضة المكتب
قولى السؤال اللى محيرك ياليل
مافيش حاجه يابيه
اولا انا حماكى يعنى ممكن تقوليلى عمى او بابا كمان
بالله بجد
ابتسم اه بجد يلا قولى السؤال بقا
عرفت ازاى انى عايزه أسألك فى حاجه
الشعر ده ماشبش من قليل
ياليل
ربنا يديك طولة العمر ياعمى
يلا اسألى
حضراتكم يعنى ماشاء الله عيلة وسلطة وفلوس ازاى وصلتوا لواحده ازاى
حضرتك عارف انى اخدت كليه تمريض
اه طبعا عرفت انك كملتى تعليم من ورا سيد والدك وانك من أوائل دفعتك كمان وان شاء الله تبقى معيده وكنتى مخبيه على سيد علشان مش هيوافق تكملى تعليم ده اولا وثانيا كان هياخد منك فلوس شغلك كلها وانتى كنتى بتحوشيهم لعلاج مامتك المريضه
غمزلها وقالها ماانتى قولتى عندنا سلطة ونفوذ
عندك حق ممكن اعرف ايه دورى بالظبط
مش هقولك اكتر من أن سائر ابنى امانه فى رقبتك
وانا قد المهمه دى بإذن الله
ربنا معاكى ياحبيبتى معتمد على الله ثم عليكى
ربنا ييسر ياعمى عن أذنك هطلع لابنك ده لو اتأخرت شوية اعرف انه قټلنى
هههههه لا ماتقلقيش سائر حنين جدا
طلعت لثائر وانا بقدم رجل وبأخر التانيه مش خاېفه منه لأنه عاجز مش هيقدر يأذينى بس خاېفه مااكونش قد المهمه الصعبه اللى اختارنى ليها عمى سليم خبطت على الباب سمعت صوته بيسمح بالدخول
دخلت الأوضة لاقيتها مترتبة كأن ماكنش فيه زلزال حصل فيها من شوية فهمت إنهم متعودين على تقلبات حالته المزاجية بسبب مرضه اللى عرفت من عمى سليم ان ليه عمليه وجلسات علاج طبيعى وعايزنى اقنعه بيهم
لا واضح انى هقنعه بسرعه فعلا
مش بكلمك
انتى ياللى ماعرفلكيش اسم
اسمى ليل
يعنى سمعانى اهو مش بتردى ليه
علشان ليا اسم تنادينى بيه
ماشاء الله بقا ليكى صوت
اه الحمد لله محتاج حاجه
هاتيلى علاجى
حاضر الواضح أنها أيام سودة على دماغى
بتقولى ايه
ولا حاجه
احسن برضو مابحبش البرطمة
مابحبش البرطمة نينيييي
خلاص اهو اتفضل
شكرا
اخد علاجه وهو ساكت الحمد لله طلع حنين زى ماوالده بيقول
طبعا هتنامى على الارض
منى لله على تسرعى ده والله
روحتى فين
ماروحتش موجودة
سمعتى انا قولت ايه
اه سمعت
وايه رأيك
هنام على الارض زى ماانت عايز متعودة فعادى
ثائر حس ان قلبه وجعه عليها من كلامها وشكلها تعبت كتير فى حياتها بس فكر نفسه بانها من جنس حوا وكلهم زى بعض
احم ليل
نعم
الكنبه اللى هناك دى افرديها هتبقا سرير ونامى عليه
ابتسمت من جوايا على طيبته الواضح ان مرضه هو السبب فى عصبيته وسوء معاملته للى حواليه
روحت عند الكنبه بحاول افردها مافيش فايده وقفت عليها وفضلت اتنطط يمكن تتفرد سمعت صوت ضحكته اللى ملاء المكان كله شكله وسيم اووى زى الأفلام هو أحلى منهم كمان انتبه انى مركزة فيه وهو بيضحك
حلو
هو ايه ده
شكلى حلو وانا بضحك علشان كده مركزة اووى معايا
خدودى كانت بتطلع ڼار وبصيت فى الأرض
بقيتى طماطم
لافروالة
لا طماطم
قولتلك فروالة
طماطم وبس
دبدبت برجلى فى الأرض بغيظ
ضحك
عليا
تانى
ماتضحكش
