يارا و ادهم
يعني أنا عاوزة أعملهم استقبال يليق بعليتنا
شاهي انطي فيرووو طول ما أنا معاكي متقلقيش
فريدة وهي تقبل شاهي اوووه sweetie... Thank you so much
يارا في نفسها البارد الرخم قفل باب الأوضة بالمفتاح أعمل أنا ايه دلوقتي لازم أتصرف
سمعت يارا الحديث الدائر بين فريدة وشاهي فخطړ ببالها فكرة ما ...
يارا أصحابك جايين يا عقربة هانم وماله خليني أستقبلهم أنا كمان معاكي
صباح اتفضلوا يا هوانم فريدة هانم في انتظاركم
صافي اوك
ايمان يالا يا شيري
شريفة اوك
صافي خدي يا صباح التورتة دي وهاتيها كمان شوية
صباح حاضر يا هانم
ايمان عاوزين نفاجئها
شريفة طبعا
أوصلت صباح تلك السيدات لغرفة الصالون حيث استقبلتهم فريدة بالترحاب و..
فريدة اوووه مش ممكن بجد مفاجأة حلوة
فريدة لسه في مفاجأت تانية
شريفة طبعاااا
ايمان اصبري يا فيروو وهتعرفي كمان شوية
شريفة وهي تقبل شاهي شاهي ازيك يا حبيبتي
شاهي أنطي شيري ازيك
شريفة I am fine
ايمان ازي ماما يا شاهي
شاهي تمام يا أنطي
ايمان سلميلي عليها أوي
شاهي حاضر يا أنطي
صافي احنا هنفضل واقفين يالا تعالوا نقعد جوا
شريفة تعالي بس عاوزينك تقعدي معانا
فريدة طب اجيبلكم حاجة تشربوها
صافي No need دلوقتي
جلست السيدات سويا ليتحدثن وفجأة وجدن من تدخل عليهن بحالة مزرية مما أصاب فريدة پصدمة و...
يارا الله احنا عندنا ضيوف طب مش تقوليلي يا خالتي عشان أجي أسلم عليهم
صافي هامسة مين دي
ايمان دي مين يا فريدة
فريدة دي..دي
يارا ملوحة بيدها أنا يارا هاي
جلست يارا على الأريكة بملابسها المبتلة مما أصاب فريدة بال....
يارا وهي تجلس أنا فرحانة بجد ان شوفت ستات زيكوا من زمان ماشوفتش أعدة الشلت دي الله يرحمك يا ستي
فريدة بفزع لألألأ حاسبي متقعديش
فريدة بقرف انتي مش شايفة هدومك عاملة ازاي
يارا ماهو كله بسبب أدهم ابنك أل ايه عاوز يلعب في الطينة وعاوزني ألعب معاه
شاهي پصدمة نعم مالك ومال أدهم
فريدة ايييه اللي انتي بتقوليه ده
يارا بصي أنا ماليش دعوة هو السبب وأهو عندك ملأح فوق اسأليه
ايمان مستفهمة مين دي يا فيرووو
يارا وقد جلست القرفصاء بس تصدقي يا خالتي الكنبة دي طرية في الأعدة ليكو حق تقعدوا هنا
فريدة اطلعي بره
يارا تؤ أنا أعدة هنا معاكي ده أنا حتى بحبك يا خالتي
فريدة بعصبية بطلي تقولي خالتي دي أنا مش خالتك
شريفة اوووه سووفاج
ايمان Vulgar ع الأخر
يارا اومال أقولك ايه يا فيري ده حتى الاسم شبه الصابون السايل بس أقولك ع حاجة هو وحش في التنضيف ابقي هاتي بيرل بيرغي أكتر ع رأي تيتة الله يرحمها
فريدة بسسسسسس
ثم دلفت صباح ومعها أدهم وهما يحملان تورتة كبيرة مكتوب عليها happy birthday Ferro
أدهم من الخارج هابي بيرزداي يا احلى فيرووو كل سنة وانتي ط..آآآآ .. ايه ده
يارا ببرود الله هو احنا عندنا عيد ميلاد ده محدش قالي عيد ميلاد مين بقى
أدهم ليارا وقد رأى وجه والدته المحتقن من الڠضب انتي بتعملي ايه هنا
يارا عادي أعدة ع كنبة الصالون
صافي ايه المهزلة اللي بتحصل هنا دي
شاهي أدهم تعالى الحقنا
فريدة انتي ايه عاوزة ټحرقي دمي وخلاص
يارا ليه بتقولي كده يا خالتي ده انا بحبك حب ياااااه مش قادرة أوصفلك
...
صافي احنا مش فاهمين
